ഇന്ത്യ: ചിലര് വരുമ്പോള് ചരിത്രം വഴിമാറുമെന്ന് പറഞ്ഞ പോലെയായിരുന്നു ഇന്നലെ ബ്രൂക്കിന്റെ ഉയിര്ത്തെഴുന്നേല്പ്പ്. തോല്ക്കുമെന്ന് തോന്നിച്ചെങ്കിലും തന്റെ ഒറ്റയാന് ചിറകിലേറി ഇംഗ്ലീഷ് പട ട്വന്റി വേള്ഡ് കപ്പിന്റെ സെമീ ഫൈനലിലേക്ക് പ്രവേശിച്ചു. ഇതോടെ ഇംഗ്ലണ്ട് ആദ്യം സെമീ ഫൈനലിലെത്തുന്ന ടീമായി മാറി. ആദ്യം ബാറ്റ് ചെയ്ത പാക്കിസ്ഥാന് 20 ഓവറില് 9 വിക്കറ്റ് നഷ്ടത്തില് 164 റണ്സ് നേടിയപ്പോള് 19.1 ഓവറില് എട്ട് വിക്കറ്റ് നഷ്ടടത്തില് ഇംഗ്ലണ്ട് ലക്ഷ്യം കാണുകയായിരുന്നു.
ഇന്നത്തെ താരം ഹാരി ബ്രൂക്ക് തന്നെയായിരുന്നു. പല റെക്കോര്ഡുകളും കടപുഴകി വേണു. ഇംഗ്ലണ്ടിന് വേണ്ടി ഏറ്റവും വേഗതയില് ട്വന്റി വേള്ഡ് കപ്പ് സെഞ്ച്വറി നേടുന്ന താരം, ട്വിന്റി ലോകകപ്പിന്റെ ചരിത്രത്തില് സെഞ്ച്വറി നേടിയ ആദ്യ ക്യാപ്റ്റന്, ട്വിന്റി ലോകകപ്പില് ഏറ്റവും വേഗതയില് സെഞ്ച്വറി നേടുന്ന രണ്ടാമത്തെ താരം എന്നീ റെക്കോര്ഡുകളാണ് ഇന്നലെ ബ്രൂക്കിന്റെ പേരില് എഴുതി ചേര്ക്കപ്പെട്ടത്. 51 പന്തില് പത്ത് ഫോറുകളും നാല് സിക്സറുകളുമടക്കമാണ് ശതകം പൂര്ത്തിയാക്കിയത്.
ശാഹിബ്സാദ ഫര്ഹാന്റെ അര്ദ്ധ സെഞ്ച്വറിയായിരുന്നു പാക്കിസ്ഥാനെ ഭേദപ്പെട്ട സ്കോറിലെത്തിക്കാന് സഹായിച്ചത്. 45 പന്തില് ഏഴ് ഫോറുകളും രണ്ട് സികസറുമടക്കം 63 റണ്സ് സ്വന്തമാക്കി. ബാബര് അസം, ഫക്കര് സമാന് എന്നിവര് 25 റണ്സ് വീതം നേടി. ഇംഗ്ലണ്ടിന് വേണ്ടി ലിയാം ഡാവ്സന് മൂന്ന് വിക്കറ്റും ജാമി ഓവര്ട്ടന്, ജോഫ്ര ആര്ച്ചര് എന്നിവര് രണ്ട് വീതം വിക്കറ്റും സ്വന്തമാക്കി.
ഇംഗ്ലണ്ടിന് വേണ്ടി ക്യാപ്റ്റന് അല്പ്പമെങ്കിലും പിന്തുണ നല്കിയത് വില് ജാക്സ് മാത്രമായിരുന്നു. 23 പന്തില് 28 റണ്സാണ് അദ്ദേഹം സ്വന്തമാക്കിയത്. പാക്കിസ്ഥാന് വേണ്ടി ശഹീന് അഫ്രിദി നാല് വിക്കറ്റ് സ്വന്തമാക്കി. ഇതോടെ പാക്കിസ്ഥാന്റെ സെമീ പ്രവേശനത്തിന് മങ്ങലേറ്റു. ആദ്യമത്സരം മഴുമൂലം ഉപേക്ഷിച്ചതോടെ അടുത്ത മത്സരം നല്ല റണ്റേറ്റില് ജയിക്കല് അനിവാര്യമായിരിക്കുന്നു. ഫെബ്രുവരി 28ന് ശ്രീലങ്കയ്ക്കെതിരെയാണ് പാക്കിസ്ഥാന്റെ അടുത്ത മത്സരം.
