റിയാദില് യുഎസ് എംബസിക്ക് നേരെ ആക്രമണം
ജിസിസിയിലെ മാര്ച്ച് 5,6 നുള്ള സിബിഎസ് പരീക്ഷകള് മാറ്റിവെച്ചു
ദോഹ വ്യോമ പാത മുഴുവനായും അടച്ചു
ദോഹ/അബൂദാബി: ഇറാന്-ഇസ്രയേല്-അമേരിക്ക യുദ്ധം നാലാം ദിവസത്തിലേക്ക് പ്രേവശിക്കുമ്പോള് ജിസിസി രാജ്യങ്ങള് ലക്ഷ്യമാക്കിയുള്ള ഇറാന്റെ ആക്രമണം തുടര്ന്ന് കൊണ്ടിരിക്കുന്നു. ഒരു വാദപ്രതിവാദത്തിനോ ചര്ച്ചയ്ക്കോ തയ്യാറല്ലെന്ന് ഇറാന് വ്യക്തമാക്കിക്കഴിഞ്ഞിട്ടുണ്ട്. അതേ സമയം ലക്ഷ്യം നേടുന്നത് വരെ ഇറാനെ ആക്രമിക്കുമെന്നാണ് ട്രംപിന്റെ പ്രഖ്യാപനവും. ഒമാന്റെ മധ്യസ്ഥതയില് വെടിനിര്ത്തല് ചര്ച്ചകള്ക്ക് ശ്രമിച്ചെങ്കിലും ഇതുവരെ പുതിയ വിവരങ്ങളൊന്നും ലഭ്യമായിട്ടില്ല.
ജിസിസിയിലെ പതിനഞ്ചോളം വരുന്ന രാജ്യങ്ങളിലെ മുഴുവന് പൗരന്മാരും പെട്ടെന്ന് തന്നെ രാജ്യം വിടണമെന്ന് അമേരിക്കന് പ്രസിഡണ്ട് ഡോണാള്ഡ് ട്രംപ് വ്യക്തമാക്കി. ജിസിസ രാജ്യങ്ങളിലെ അമേരിക്കന് സൈനീക താവളങ്ങള്ക്കും അവര് താമസിക്കുന്ന കെട്ടിടങ്ങള്ക്ക് നേരെയും ഇറാന്റെ ആക്രമണം ശക്തമായതിനെ തുടര്ന്നാണ് പുതിയ ആഹ്വാനം. ബഹ്റൈന്, ഈജിപ്ത്, ഇറാന്, ഇറാഖ്, ഇസ്രയേല്, ഗാസ, ജോര്ദ്ദാന്, കുവൈത്ത്, ലെബനാന്, ഒമാന്, ഖത്തര്, സൗദി അറേബ്യ, സിറിയ, യുഎഇ, യെമന് തുടങ്ങിയ രാജ്യങ്ങളില് നിന്നാണ് പൗരന്മാര് നീങ്ങേണ്ടത്. സാധ്യമായ യാത്രാ സംവിധാനങ്ങള് ഉപയോഗിച്ച് ഉടനെ രാജ്യം വിടണമെന്നാണ് നിര്ദ്ദേശം.
അതേ സമയം ഇന്ന് റിയാദിലെ യുഎസ് എംബസിയിലേക്ക് ഇറാന് ആക്രമണം നടത്തി. രണ്ട് ഡ്രോണുകളുപയോഗിച്ചാണ് ആക്രമണം നടത്തിയിരിക്കുന്നത്. തീ നിയന്ത്രണ വിധേയമാണെന്നും അനിശ്ചതകാലത്തേക്ക് യുഎസ് എംബസി അടച്ചിടുന്നവെന്നും സൗദി പ്രതിരോധ മന്ത്രാലയം അറിയിച്ചു. യുഎഇക്ക് നേരെ നടത്തിയ ഡ്രോണാക്രമണം പ്രതിരോധ സംവിധാനത്തില് തകര്ന്നു ഫുജൈറ ഓയില് പ്ലാന്റിലേക്ക് പതിഞ്ഞു. തുടര്ന്നുണ്ടായ തീ പിടിത്തം വളരെ വേഗതയില് തന്നെ നിയന്ത്രണ വിധേയമാക്കിയെന്ന് യുഎഇ അധികൃതര് അറിയിച്ചു.
ഇറാന്റെ ആക്രമണങ്ങള് പ്രതിരോധിക്കാന് യുഎഇയുടെയും ഖത്തറിന്റെയും പ്രതിരോധ സംവിധാനം ശക്തമാണെന്ന് ഇരു രാജ്യങ്ങളുടെയും പ്രതിനിധികള് ഔദ്യോഗികമായി പറഞ്ഞു. ഇരു രാജ്യങ്ങളിലേക്കും വന്നു പതിച്ച മിസൈലുകളുടെയും ഡ്രോണുകളുടെയും എണ്ണവും മന്ത്രാലയം വെളിപ്പെടുത്തി.
മിഡില് ഈസ്റ്റിലെ ഈ സംഘര്ഷം തുടരുന്ന സാഹചര്യത്തില് ജിസിസിയിലെ അടുത്ത ദിവസങ്ങളില് നടക്കേണ്ട പരീക്ഷകളും മാറ്റിവെച്ചതായി സിബിഎസ്ഇ അറിയിച്ചു. മാര്ച്ച് 5.6ന് നടക്കേണ്ട പത്താം ക്ലാസ്, പന്ത്രണ്ടാം ക്ലാസ് പരീക്ഷകളാണ് മാറ്റിവെച്ചിരിക്കുന്നത്. മാര്ച്ച് 2 മുതല് 4 വരെ നടക്കേണ്ട പരീക്ഷകള് മുമ്പ് തന്നെ മാറ്റി വെച്ചിരുന്നു.
