സൗദി: സൗദി അറേബ്യയില് മാസപ്പിറവി കണ്ടതിന്റെ അടിസ്ഥാനത്തില് നാളെ റമദാന് ഒന്നായിരിക്കുമെന്ന് സൗദി മതകാര്യവകുപ്പ് അറിയിച്ചു. ഇന്ന് ശഅബാന് 29 വൈകുന്നേരമായിരുന്നു സൗദിയുടെ വടക്കന് ഭാഗത്ത് ചന്ദ്രപ്പിറ കണ്ടത്. സൂര്യാസ്തമയം 5.52 ആയതിനാല് കാലാവസ്ഥ അനുകൂലമാവുമെന്നും ചന്ദ്രപ്പിറ കാണാന് സാധ്യതയുണ്ടെന്നും നേരത്തെ റിപ്പോര്ട്ടുകളുണ്ടായിരുന്നു.
സൌദി അറേബ്യയില് മാസം കണ്ടതിന്റെെ അടിസ്ഥാനത്തില് യുഎഇയിലും നാളെ റമദാന് ഒന്നാവുമെന്ന് യുഎഇ മതകാര്യ വകുപ്പ് അറിയിച്ചു. ഒമാന് നേരത്തെ അവരുടെ നോമ്പ് 19 തുടങ്ങുമെന്ന് പ്രഖ്യാപിച്ചിരുന്നു. ഒമാനായിരുന്നു ആദ്യമായി റമദാന് പ്രഖ്യാപിച്ച രാജ്യം.
കേരളത്തില് മാസപ്പിറവി കാണാത്തതിനാല് നാളെ ശഅബാന് പൂര്ത്തിയാക്കി വ്യാഴം റമദാന് ഒന്നാവുമെന്ന് പാണക്കാട് സയ്യിദ് സ്വാദിഖലി ശിഹാബ തങ്ങള് ഖാസിമാരായ സയ്യിദ് ജിഫ്രി മുത്തുക്കോയ തങ്ങള്, പ്രഫ. ആലിക്കുട്ടി മുസ്ല്യാര്, ജമലുല്ലൈലി തങ്ങള്, സയ്യിദ് നാസിര് ഹയ്യ് തങ്ങള് എന്നിവര് അറിയിച്ചു.
