കണ്ണൂര്: ഇന്ന് കേരള മാധ്യമങ്ങളിലും സോഷ്യല് മീഡിയകളിലും നിറഞ്ഞ് നില്ക്കുകയാണ് ആരോഗ്യ മന്ത്രി വീണാ ജോര്ജ്ജിന്റെ പരിക്കും തുടര്ന്നുള്ള ആശുപത്രി വിശേഷങ്ങളും. മുഖ്യമന്ത്രിയും സ്പീക്കര് എഎന് ശംസീറുമൊക്കെ മന്ത്രിയെ നേരിട്ടെത്തി സന്ദര്ശിച്ചു. ജില്ലാ ആശുപത്രിയിലെ വിദഗ്ദ ഡോക്ടര്മാര് തന്നെയാണ് പരിചരണത്തിന് നിയോഗിക്കപ്പെട്ടിരിക്കുന്നത്. കഴുത്തെല്ലിന് ക്ഷതമുണ്ടന്നും എംആര്ഐ സ്കാനിംഗ് വേണമെന്നും ഡോക്ടര്മാര് നിര്ദ്ദേശിച്ചിട്ടുണ്ട്.
എന്താണ് സംഭവിച്ചത്?
കണ്ണൂരില് ചില പരിപാടികളില് പങ്കെടുക്കാനാണ് മന്ത്രി ഇവിടെയെത്തിയത്. രാവിലെ മുതല് തന്നെ പല ഭാഗങ്ങളില് നിന്നും കരിങ്കൊടി പ്രയോഗം നടക്കുന്നുണ്ട്. കണ്ണൂര് റെയില്വേ സ്റ്റേഷനിലെത്തിയപ്പോള് ബിജെപി പ്രവര്ത്തകരായിരുന്നു പുറത്ത് നിന്ന് കരിങ്കൊടി കാട്ടിയത്. ഒന്നാം ഫ്ളാറ്റ് ഫോമില് കയറിയപ്പോള് യൂത്ത് കോണ്ഗ്രസിലെ അഞ്ചോളം പ്രവര്ത്തകരാണ് മന്ത്രിയെ കരിങ്കൊടി കാട്ടിയത്. പോലീസ് വലയത്തിലായതിനാല് പ്രവര്ത്തകര് മന്ത്രിയുടെ അരികിലേക്ക് എത്തിയതായി വീഡിയോകളില് കാണുന്നില്ല. മറിച്ച് മന്ത്രി അവര്ക്കെതിരെ പ്രതികരിക്കുന്നത് വീഡിയോകളിലും വ്യക്തമാണ്. അവിടെ നിന്ന് പോലീസ് സെക്യൂരിറ്റിയോടു കൂടെ മൂന്നാം പ്ലാറ്റ്ഫോമിലേക്ക് കയറി എഎന് ശംസീറിനെയും കണ്ടു. അതിനിടെയാണ് മന്ത്രി തനിക്ക് കഴുത്തിന് വേദനയുണ്ടെന്നും തുടര്ന്ന് വിദഗ്ദരുടെ നിര്ദ്ദേശമനുസരിച്ച് ജില്ലാ ആശുപത്രിയിലേക്ക് മാറ്റുകയും ചെയ്തത്.
കോണ്ഗ്രസ് വാദം
യൂത്ത് കോണ്ഗ്രസ് ജില്ലാ നേതാവ് അതുല് മറ്റു പ്രവര്ത്തകരില് പ്രമുഖരായ ഷമാസ് തുടങ്ങിയവര് പ്രതിഷേധത്തിലുണ്ടായിരുന്നു. അവരുടെ പ്രതികരണമനുസരിച്ച് പോലീസ് വലയത്തിലുള്ള മന്ത്രിയെ എങ്ങനെ അക്രമിക്കാനെന്നാണ്? അടുത്ത് പോലും പോകാന് സാധിച്ചിട്ടില്ലെന്നാണ്. ഇത് മന്ത്രിയുടെ അഭിനയമെന്നാണ് മുതിര്ന്ന കോണ്ഗ്രസ് നേതാവ് കെ സുധാകരന് പ്രതികരിച്ചത്. വീഡിയോകളില് ഇത് തെളിയിക്കട്ടേ എന്ന് സണ്ണി ജോസഫും പ്രതിപക്ഷ നേതാവ് വീഡി സതീശനും പ്രതികരിച്ചു. തെരെഞ്ഞെടുപ്പ് മുന്നില് കണ്ടുള്ള സിപിഎമ്മിന്റെ കുതന്ത്രമാണെന്നും കോണ്ഗ്രസ് ആരോപിച്ചു.
സിപിഎം വാദം
മന്ത്രിയെ കൊല്ലാനുള്ള ശ്രമമാണ് നടന്നതെന്ന് സിപിഎം നേതാക്കള് ആരോപിച്ചു. കോണ്ഗ്രസിന്റെ ഹീനമായ പ്രതിഷേധ രൂപമെന്നാണ് മുഖ്യമന്ത്രി ഇതിനെതിരെ പ്രതികരിച്ചത്. വിഡി സതീശന്റെ ആഹ്വാന പ്രകാരമാണ് ആക്രമണം നടന്നതെന്ന് സിപിഎം ആരോപിച്ചു. കണ്ണൂരില് സിപിഎം പ്രതിഷേധ മാര്ച്ച് സംഘടിപ്പിച്ചു. എസ് എഫ് ഐ നടത്തിയ പ്രതിഷേധം സംഘര്ഷത്തില് കലാശിച്ചു.
ആക്രമണ ആരോപണത്തിന്റെ പരിണിത ഫലം
നിലവില് ആരോഗ്യ മന്ത്രാലയത്തിനെതിരെ കോണ്ഗ്രസിന്റെ ആരോപണം ശക്തിപ്പെടുത്തുന്ന സാഹചര്യമായിരുന്നു. ഇതോടെ സ്വന്തം ഗ്രൂപ്പിനെ പ്രതിരോധിക്കേണ്ട സാഹചര്യം വന്നുപെട്ടു. സിപിഎമ്മിന് ഇതൊരു തുരുപ്പ് ചീട്ടായി ആരോപണം നടക്കുന്ന സാഹചര്യത്തില് വിഷയം മാറ്റി മുതലെടുപ്പ് രാഷ്ട്രീയത്തിന് സാഹചര്യമുണ്ടായി.
ആക്രമണ ആരോപണത്തോടെ കെഎസ് യു പ്രവര്ത്തകര്ക്കെതിരെ പോലീസ് കേസെടുത്തു. അഞ്ച് പേരെ അറസ്റ്റ് ചെയ്തതായി ഡിജിപി റവാഡ ചന്ദ്രശേഖര് അറിയിച്ചു. വധശ്രമമാണ് കുറ്റം ചുമത്തിയിരിക്കുന്നത്.
ഉയര്ത്തപ്പെടുന്ന ചോദ്യങ്ങള്
ഒന്നാം പ്ലാറ്റ് ഫോമില് നടന്ന പ്രതിഷേധം. പോലീസിന്റെ നിറയെ പ്രതിഷേധത്തിനിടെയിലും കെഎസ് യു പ്രവര്ത്തകര് എങ്ങനെ ആക്രമിച്ചു? പോലീസിന് വീഴ്ച്ച പറ്റിയോ? ഒന്നാം പ്ലാറ്റ്ഫോമില് നടന്ന പ്രതിഷേധത്തില് എങ്ങനെ മൂന്നാം പ്ലാറ്റ് ഫോമില് വെച്ച് മന്ത്രിക്ക് പരിക്ക് പറ്റി? പ്രതിഷേധത്തിനിടെ വന്ന വീഡിയോകളില് ഒന്നില് പോലും പ്രതിഷേധക്കാര് മന്ത്രിയുടെ അരികിലെത്തിയതായി കാണപ്പെടുന്നില്ല. ഇത് തെരെഞ്ഞെടുപ്പ രാഷ്ട്രീയം ലക്ഷ്യം വെച്ചുള്ള മുതലെടുപ്പാകുമോ? അങ്ങനെയാണേല് അവസാനം വന്ന റിപ്പോര്ട്ട് വ്യാജമാവുമോ?
