അഹമ്മദാബാദ്: വിമാന ദുരന്തത്തില്‍ എല്ലാവരും മരിച്ചുവെന്ന വാര്‍ത്ത തളളി ഒരാളെ ജീവനോടെ കണ്ടെത്തി. യാത്രയിലെ 11 എ സീറ്റില്‍ യാത്ര ചെയ്തിരുന്നു ബ്രിട്ടീഷ് പൗരനും കൂടിയായ രമേഷ് വിശ്വാസ് കുമാറാണ് രക്ഷപ്പെട്ടത്. ഇയാളെ ആശുപത്രിയിലേക്ക് പ്രവേശിച്ചിരിപ്പിക്കുകയാണ്. ആരോഗ്യ നില തൃപ്തികരമാണെന്നാണ് ഗുജറാത്ത് പോലീസ് അറിയിച്ചിരിക്കുന്നത്
സീറ്റ് നമ്പര്‍ 11എയില്‍ യാത്ര ചെയ്ത വ്യക്തിയെ ജീവനോടെ കണ്ടെത്തിയിട്ടുണ്ട്. അദ്ദേഹം നിലവില്‍ ചികിത്സയിലാണ്. ആരോഗ്യ നില തൃപ്തികരമാണ്. മരണ സംഖ്യയെ കുറിച്ച് ഇപ്പോള്‍ പറയാനാവില്ല. വിമാനം തകര്‍ന്ന് വീണത് ജനവാസമുള്ള സ്ഥലത്തായത് കൊണ്ട് മരണ സംഖ്യ ഇനിയും കൂടിയേക്കാം. അഹമ്മദാബാദ് പോലീസ് കമ്മീഷണര്‍ ജി എസ് മാലിക് പറഞ്ഞു.
കുടുംബത്തെ സന്ദര്‍ശിക്കാനായ് നാട്ടിലെത്തിയ രമേഷ് വിശ്വാസ് കുമാര്‍ തന്റെ സഹോദരനോടൊപ്പം യൂ കെയിലേക്ക് തിരിച്ചു പോവുകയായിരുന്നു. സഹോദരന്‍ അജയ് കുമാര്‍ രമേഷ് (45)
‘വിമാനം ഉയര്‍ന്ന് 30 സെക്കന്‍റിനുള്ളില്‍ ശക്തമായ ശബ്ദം കേട്ടു. ഉടനെ വിമാനം ഇടിച്ചു നിലത്ത് വീണു. എല്ലാം പെട്ടെന്നായിരുന്നു. വിശ്വാസ് കുമാര്‍ അറിയിച്ചു. അദ്ദേഹത്തിന്‍റെ കാലിനും, കണ്ണിനും നെഞ്ചിന്റെ ഭാഗത്തുമാണ് പരിക്കു പരിക്ക് പറ്റിയിരിക്കുന്നത്.
വിമാനം നിലം പതിച്ച ഹോസ്റ്റലിലെ ജീവനക്കാരെ കുറിച്ചുള്ള കൂടുതല്‍ വിവരങ്ങളൊന്നും ഇതുവരെ ലഭ്യമായിട്ടില്ല.
