യുഎഇ: ഹിജ്‌റ പുതുവര്‍ഷാരംഭത്തോടനുബന്ധിച്ച് പൊതു മേഖലയ്ക്ക് ശമ്പളത്തോടു കൂടിയുള്ള അവധി പ്രഖ്യാപിച്ച് യുഎഇ മാനവ വിഭവശേഷി സ്വദേശ വല്‍ക്കരണ മന്ത്രാലയം. സ്വകാര്യ മേഖലയ്ക്കും ഈ അവധി ബാധകമായിരിക്കും. 1447ാം ഹിജ്‌റ പുതുവര്‍ഷാരംഭത്തെ തുടര്‍ന്നുള്ള അവധി 2025 ജൂണ്‍ 27 വെള്ളിയാഴ്ച്ച ആയിരിക്കുമെന്നാണ് യുഎഇ അറിയിച്ചിട്ടുള്ളത്.
ശനി പൊതു അവധിയായിരിക്കുന്ന ജീവനക്കാര്‍ക്ക് മൂന്ന് ദിവസം തുടര്‍ച്ചയായ അവധി ലഭിക്കും. ബലി പെരുന്നാള്‍ അവധിക്ക് ശേഷം മറ്റൊരു നീണ്ട വീക്കെന്‍ഡ് അവധി കിട്ടിയ സന്തോഷത്തിലാണ് യുഎഇ താമസക്കാര്‍.
