ന്യൂഡല്ഹി: ലോക്സഭാ പ്രതിപക്ഷ നേതാവും കോണ്ഗ്രസ് മുതിര്ന്ന നേതാവുമായ രാഹുല് ഗാന്ധിയുടെ ഇന്ത്യന് പൗരത്വം ചോദ്യം ചെയ്ത് സമര്പ്പിച്ച ഹരജി അലഹബാദ് ഹൈക്കോടതി തള്ളി. ഹരജിക്കാരന് വാദം തെളിയിക്കാന് ആവശ്യമായ രേഖകള് സമര്പ്പിക്കാന് പരാജയപ്പെട്ടതിനാലാണ് കോടതിയുടെ വിധി. രാഹുല് ഗാന്ധിക്ക് ബ്രിട്ടീഷ് പൗരത്വമുണ്ടെന്നും ലോക്സഭാംഗമായി തുടരാന് അര്ഹതയില്ലെന്നുമാണ് ഹരജിക്കാരന്റെ വാദം. ഇന്ത്യന് ഭരണഘടനാ അനുസരിച്ച് ഇന്ത്യന് പൗരന് ഇരട്ട പൗരത്വം സാധ്യമല്ലെന്ന അടിസ്ഥാനത്തിലാണ് ഹരജിക്കാരന് കോടതിയെ സമര്പ്പിച്ചത്. ജസ്റ്റിസുമാരായ അഭ്ഷേദ് കുമാര് ചൗധരി, ശേഖര് ബി സരഫ് എന്നിവരടങ്ങിയ ഡിവിഷന് ബെഞ്ചിന്റേതാണ് തീരുമാനം.
2003ല് ബ്രിട്ടനില് രജിസ്റ്റര് ചെയ്ത ബാക്കോപ്സ് ലിമിറ്റഡ് എന്ന കമ്പനിയുടെ ഡയറക്ടറായ് പ്രവര്ത്തിച്ച കാലയളവിലാണ് രാഹുല് ഗാന്ധി ബ്രിട്ടീഷ് പൗരത്വം സ്വീകരിച്ചതെന്നാണ് ഹരജിക്കാരന്റെ വാദം, പക്ഷേ വാദം തെളിയിക്കുന്ന രേഖകള് സമര്പ്പിക്കാന് അദ്ദേഹത്തിന് സാധിച്ചില്ല. കേംബ്രിഡ്ജ് സര്വ്വകലാശാലയില് റാവുല് വിന്സി എന്ന പേരില് ഒരാള് പഠിച്ചിരുന്നതായി തെളിയിക്കുന്ന രേഖ മാത്രമാണ് ഇയാള് സമര്പ്പിച്ചത്. ഇത് ഹരജിക്കാരന്റെ വാദവുമായി പുലബന്ധം പോലും ഈ രേഖയ്ക്കില്ലെന്നതാണ് കോടതിയുടെ നിരീക്ഷണം.
അതേ സമയം രാഹുല് ഗാന്ധിയുടെ പൗരത്വവുമായി ബന്ധപ്പെട്ട കാര്യങ്ങള് കേന്ദ്ര സര്ക്കാരിന്റെ പരിഗണനിയിലായിരിക്കെ ഈ ഹരജി സ്വകരിക്കാന് തന്നെ കോടത തയ്യാറായിരുന്നില്ല. ഹരജിക്കാരന്റെ അപേക്ഷ മാനിച്ചാണ് രേഖകള് പരിശോധിച്ചതും പിന്നീട് ഹരജി തള്ളാന് തരുമാനിച്ചതും. ഇതുമായി ബന്ധപ്പെട്ട് കോണ്ഗ്രസോ ഇന്ത്യാ സഖ്യമോ പ്രതികരിച്ചിട്ടില്ല.
