മോദിയുടെ നാടകം വൈകാതെ തീരുമെന്ന് രാഹുല്‍ ഗാന്ധി
അസ്റ്റ് ചെയ്യപ്പെട്ടവരില്‍ നാല് മുഖ്യമന്ത്രിമാര്‍
അഭിജിത് ദീപ്‌കെയും ദ്രുവ് റാട്ടിയും കസ്റ്റഡിയില്‍
7000 പേരെ അറസ്റ്റ് ചെയ്തതായി അനൗദ്യോഗിക റിപ്പോര്‍ട്ട്
ന്യൂഡല്‍ഹി: പാറ്റകളെ പൂട്ടാന്‍ ചരിത്രത്തില്ലാത്ത സന്നാഹങ്ങളായിരുന്നു ഇന്നലെ ജന്തര്‍ മന്തറില്‍ ഒരുക്കി വെച്ചിരുന്നത്. ഡല്‍ഹിയിലേക്കുള്ള എല്ലാ ഗതാഗത സംവിധാനങ്ങള്‍ക്ക് പൂട്ടിട്ടു, ഇന്‍റർനെറ്റ് വിച്ചേദിക്കപ്പെട്ടു, പ്രതിഷേധം പ്രതീക്ഷിക്കപ്പെട്ട ഭാഗങ്ങളില്‍ സിസിടിവികള്‍ സ്ഥാപിക്കപ്പെട്ടു, എന്നിട്ടും പ്രതിഷേധക്കാരെ നേരിടാന്‍ സംസ്ഥാന പോലീസ് സേനയും കേന്ദ്ര സേനയും രംഗത്തിറങ്ങി. അതും മറി കടന്നായിരുന്നു പാറ്റകളുടെ അപ്രതീക്ഷിത എന്‍ട്രി. അതിലും സര്‍പ്രൈസ് ഒരുക്കിയത് സിപിഎം മാര്‍ച്ചായിരുന്നു.
പാറ്റകളെ കാത്തിരുന്ന പോലീസിന് മുന്നില്‍ ആദ്യം എത്തിയത് അപ്രതീക്ഷിതമായി സിപിഎമ്മായിരുന്നു. കമ്മ്യൂണിസ്റ്റ് പാര്‍ട്ടികളുടെ തലമുതര്‍ന്ന നേതാക്കളായ എം എ ബേബി, പ്രതിപക്ഷ നേതാവ് പിണറായി വിജയന്‍, ജയരാജന്‍, ശ്രീമതി ടീച്ചര്‍ തുടങ്ങിയവരായിരുന്നു. പിന്നീടാണ് പാറ്റകളും മറ്റു രാഷ്ട്രീയ പാര്‍ട്ടികളും രംഗത്തെത്തുന്നത്. ഇവരൊക്കെയും പോലീസ് കസ്റ്റഡിയിലെടുത്തു.
ശക്തമായ സന്നാഹങ്ങളൊരുക്കിയ പോലീസ് ആദ്യമേ സിജെപി നേതാക്കളെ നിലം തൊടീക്കാതെ വിമാനത്തിനകത്ത് ചെന്ന് അറസ്റ്റ് ചെയ്തു. അഭിജിത് ദീപ്‌കെയും സൌരവ് ദാസും അശുദോഷ് റംഗ എന്നിവരാണ് അറസ്റ്റ് ചെയ്യപ്പെട്ടത്. അതിന് മുമ്പ് തന്നെ സിജെപി പ്രതിഷേധം നിയന്ത്രിക്കാന്‍ ദേശീയ സംഘടന ചുമതലയുള്ള അജിന്‍ക്യ ശിന്‍ഡയെ പ്രീ റെക്കോർഡ് ചെ്യത് വീഡിയോയിലൂടെ ഏല്‍പ്പിച്ചിരുന്നു. അദ്ദേഹമായിരുന്നു അതിന് നേതൃത്വം നല്‍കിയത്.
ഇന്ന് സമര മുഖത്തുണ്ടായ നാല് സംസ്ഥാന് മുഖ്യമന്ത്രിമാരായ പിണറായി വിജയന്‍, കെജ്രിവാള്‍,മമത ബാനര്‍ജി, മണിക്ക് സര്‍ക്കാര്‍ എന്നിവരെ പോലീസ് അറസ്റ്റ് ചെയ്തിട്ടുണ്ട്.കൂടെ ബിജെപിയുടെ ശക്തമായ വിമര്‍ശകനും സോഷ്യല്‍ മീഡിയ വ്‌ളോഗറുമായ ദ്രുവ് റാഡിയും പോലീസ് കസ്റ്റഡിയിലായി.
പ്രക്ഷോഭം വീണ്ടും തുടരുമെന്ന് തന്നെയാണ് സിജെപി അറിയിച്ചത്. നാളെ രാവിലെ ജന്തര്‍ മന്തറില്‍ 10 മണിക്ക് പ്രതിഷേധം തുടരാന്‍ സിജെപി ആഹ്വാനം ചെയ്തിട്ടുണ്ട്. അതേ സമയം മോഡിയുടെ നാടകം പെട്ടെന്ന് തന്ന തീരുമെന്ന് രാഹുല്‍ ഗാന്ധി അറിയിച്ചു.
പ്രതിഷേധത്തില്‍ സംഘര്‍ഷമുണ്ടായതിനെ തുടര്‍ന്ന് പ്രക്ഷോഭകര്‍ക്കും പോലീസ് ഉദ്യോഗസ്ഥര്‍ക്കും പരിക്കേറ്റിരുന്നു. രണ്ട് സ്ഥാലത്ത് കല്ലേറുമുണ്ടായിരുന്നു. പോലീസ് കസ്റ്റഡിയിലെടുത്ത സിജെപി നേതാക്കളെ ഇതുവരെ ബന്ധപ്പെടാന്‍ സാധിച്ചില്ലെന്നും എവിടെയാണ് തടവില്‍ വച്ചിരിക്കുന്നതെന്ന് അറിയില്ലെന്നും സിജെപി വക്താക്കള്‍ അറിയിച്ചു.
