ഇറാന് ആക്രമണത്തില് സഊദിയില് രണ്ട് മരണം,
ആക്രമണത്തിനെതിരെ യുഎഇ പ്രതിരോധം ശക്തമാക്കി.
ടെഹ്റാന്: ഇസ്ലാമിക് റിപ്പബ്ലിക്ക് ഓഫ് ഇറാന്റെ മൂന്നാമത്തെ പരമോന്നത നേതാവായി ആയത്തുല്ല അലി ഖാംനഈയുടെ മകന് മുജ്തബ ഖാംനഈയെ തെരെഞ്ഞെടുത്തതായി ഇറാന്റെ സ്റ്റേറ്റ് മാധ്യമങ്ങള് റിപ്പോര്ട്ട് ചെയ്തു. ഏറെ വെല്ലുവിളികള് നിറഞ്ഞ ഈ സാഹചര്യത്തില് ഏറെ നേരത്തെ ചര്ച്ചകള്ക്കൊടുവിലാണ് തീരുമാനം പുറത്തു വന്നത്. അസംബ്ലിയില് നടന്ന വോട്ടിംഗിലൂടെയാണ് അദ്ദേഹം ഈ സ്ഥാനത്തേക്ക് തെരെഞ്ഞെടുക്കപ്പെട്ടിരിക്കുന്നത്..
അതേ സമയം യുദ്ധം കൊടുമ്പിരി കൊള്ളുന്ന ഈ സാഹചര്യത്തില് ഇത് വെല്ലുവിളി നിറഞ്ഞ തീരുമാനമാണെന്നാണ് ചിലരുടെ വിലയിരുത്തല്. മുജ്തബ ഖാംനഈ റവലൂഷ്യനറി ഗാര്ഡുമായി അടുത്ത ബന്ധം സ്ഥാപിച്ച ആളാണെന്ന പ്രത്യേകതയുമുണ്ട്. കഴിഞ്ഞ ആഴ്ച്ച ഇസ്രയേല് ആക്രമണത്തില് പരമോന്നത നേതാവിയിരുന്ന ആയത്തുല്ല അലി ഖാംനഈ കൊല്ലപ്പെട്ടതിന്റെ അടിസ്ഥാനത്തിലാണ് പുതിയ നേതാവിനെ തെരെഞ്ഞെടുത്തത്.
മുജ്തബാ ഖാംനഈയുടെ സ്ഥാനാവരോഹണം അമേിരക്കന് പ്രസിഡണ്ടിനും കൂടിയുള്ള വെല്ലുവിളിയാണ്. ദിവസങ്ങള്ക്ക് മുമ്പാണ് ഡോണള്ഡ് ട്രംപ് അദ്ദേഹത്തെ അടുത്ത പരമോന്നത നേതാവായി തെരെഞ്ഞെടുക്കരുത് എന്ന രൂപത്തിലുള്ള പ്രസ്താവന വാര്ത്ത മാധ്യമങ്ങളുടെ മുന്നില് വെളിപ്പെടുത്തിയത്.
സഊദിക്ക് നേരെ ഇന്നലെയുണ്ടായ ആക്രമണത്തില് രണ്ട് പേര് കൊല്ലപ്പെടുകയും 12 പേര്ക്ക് പരിക്കേല്ക്കുകയും ചെയ്തു. ഇന്ന് യുഎഇ 113 ഡ്രോണുകളും 16 ബലിസ്റ്റിക്ക് മിസൈലുകളും വിജയകരമായി പ്രതിരോധിച്ചു. ഒരു ബലിസ്റ്റിക്ക് മിസൈല് കടലില് പതിച്ചു. 4 ഡ്രോണുകള് യുഎഇയുടെ അകത്ത് നിലം പതിച്ചു. ഇന്നലെ ഡെബ്രിസ് വീണ് ദുബായില് ഒരാള് മരണപ്പെട്ടിരുന്നു.
