കോട്ടയം: കേരളത്തിലെ പുതിയ ജില്ലകളെ ചുറ്റിപ്പറ്റിയുള്ള സംസാരങ്ങള് കാലങ്ങളായി നടക്കുന്നുണ്ട്. പക്ഷേ അതൊക്കെ എപ്പോള് പിറവികൊള്ളുമെന്ന കാര്യത്തില് ആര്ക്കും ഒരു ഉറപ്പോ വാഗ്ദാനമോ നല്കാന് ഇതുവരെ സാധിച്ചിരുന്നില്ല. എന്നാല് ഇന്നത്തെ മുഖ്യമന്ത്രിയുടെ പുതിയ പ്രസ്താവന പുതിയ ചര്ച്ചയിലേക്ക് വഴിതിരിച്ചിരിക്കുകയാണ്. മൂവാറ്റുപഴ ആസ്ഥാനമായ് പുതിയ ജില്ല പരിഗണനയിലുണ്ടെന്ന മുഖ്യമന്ത്രിയുടെ പ്രസ്താവനയാണ് ചര്ച്ചയായത്.
‘മൂവാറ്റുപുഴ നഗരസഭയുടെ ഓണാഘോഷ പരിപാടി ഉദ്ഘാടനം ചെയ്ത് സംസാരിക്കുന്നതിനിടെയാണ് മുഖ്യമന്ത്രി പുതിയ പ്രസ്താവന നടത്തിയത്. എം എല് എയുടെ സംസാരം കേട്ടു. മൂവാറ്റുപുഴയുടെ സങ്കടങ്ങളും കേട്ടറിഞ്ഞു. പ്രതികാരത്തോടെ വികസനങ്ങള് തടസ്സപ്പെട്ട കഥകളും മനസ്സിലാക്കി. അത് കൊണ്ട് എല്ലാത്തിനും ഒരൊറ്റ വാക്ക് മാത്രമേ മറുപടിയായ് പറയുന്നുള്ളു. എല്ലാ സങ്കടങ്ങളും അവസാനിപ്പിക്കും. നഷ്ടപ്പെട്ടതിന്റെ പലിശ സഹിതം മൂവാറ്റുപുഴയ്ക്ക് തിരിച്ച് ലഭിക്കും. മൂവാറ്റുപുഴ പുതിയ ജില്ലയായ് കൊണ്ട് വരുന്ന കാര്യം ഗൗരവത്തോടെ പരിശോധിക്കുകയും പരിഗണിക്കുകയും ചെയ്യും’. വിഡി സതീശന് തന്റെ പ്രസംഗത്തില് പറഞ്ഞു.
