തിരുവന്തപുരം: മഴ തുടരുന്ന കേരളത്തില് ഇന്ന് അതിതീവ്ര മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം. മൂന്നു ജില്ലകള്ക്ക് റെഡ് അലേര്ട്ടും അഞ്ച് ജില്ലകള്ക്ക് ഓറഞ്ച് അലേര്ട്ടും 6 ജില്ലകള്ക്ക് എല്ലോ അലേര്ട്ടും പ്രഖ്യാപിച്ചു.
എറണാകുളം, ഇടുക്കി, തൃശൂര് ജില്ലകള്ക്കാണ് റെഡ് അലേര്ട്ട്. പത്തനംതിട്ട, ആലപ്പുഴ, മലപ്പുറം, പാലക്കാട്, കോട്ടയം ജില്ലകള്ക്കാണ് ഓറഞ്ച് അലേര്ട്ട് പുറപ്പെടീച്ചിരിക്കുന്നത്. തിരുവനന്തപുരം, കൊല്ലം, കോഴിക്കോട്, കണ്ണൂര്, കാസറഗോഡ്, വയനാട് ജില്ലകള്ക്കാണ് എല്ലോ അലേര്ട്ടും പ്രഖ്യാപിച്ചിരിക്കുന്നത്.
ചിലയിടങ്ങളില് ഇടിമിന്നലോടു കൂടി മഴയ്ക്ക് സാധ്യതയെന്നും മണിക്കൂറില് 40 മുതല് 50 കിലോമീറ്റര് വേഗതയില് അതിശക്തമായ കാറ്റിനും സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഓഗസ്റ്റ് 7 വരെ മത്സ്യബന്ധനത്തിന് നിരോധനവും ഏര്പ്പെടുത്തിയിട്ടുണ്ട്.
