റിയാദ്: തുടര്‍ച്ചയാ നാലാം ദിവസവും ആക്രമണം നടന്ന റിയാദ് കിംഗ് ഖാലിദ് അന്താരാഷ്ട്ര വിമാനത്താവളം ഈ മാസം 17 വരെ അടച്ചിടുന്നതായ് സൗദി മന്ത്രാലയം. ഇന്ന് മാത്രം സൗദിയുടെ വ്യത്യസ്ഥ വിമാനത്താവളങ്ങളില്‍ നിന്ന് 488 വിമാനങ്ങള്‍ റദ്ദാക്കിയതായി അധികൃതര്‍ രേഖപ്പെടുത്തി. ഇന്ന് രാത്രിയും റിയാദില്‍ ആക്രമണം നടന്നതായി റോയിട്ടേഴ്‌സ് റിപ്പോര്‍ട്ട് ചെയ്തു.
ആക്രമണം തുടരുന്ന സാഹചര്യത്തില്‍ സൗദിയിലെ മുഴുവന്‍ താമസക്കാര്‍ക്കും പുതിയ സുരക്ഷാ മാനദണ്ഡം പുറപ്പെടീച്ചിരിക്കുകയാണ് സൌദി ഗവണ്‍മെന്‍റ്.
1- അപായ സൈറണ്‍ കേട്ടാല്‍ ഉടനെ കെട്ടിനത്തിനകത്ത് അഭയം തേടണം. സ്ഥലം സുരക്ഷിതമാണെന്ന് ഉറപ്പ് വരുത്തുന്നത് വരെ പുറത്തിറങ്ങരുത്
2- താമസക്കാര്‍ തുറന്ന സ്ഥലം, ഗ്ലാസ്, ബാല്‍ക്കണി, റൂഫ്‌ടോപില്‍ നിന്നും മാറി നില്‍ക്കണം.
3- യാത്രയില്‍ അപായ സൂചന ലഭിച്ചാല്‍ ബ്രിഡ്ജിലൂടെയും വലിയ കെട്ടിനടുത്തു കൂടെയുള്ള യാത്രയും പരമാവധി ഒഴിവാക്കുക.
4- താമസക്കാര്‍ കൂടി നില്‍ക്കുന്നതും അപകടകരമായ ഭാഗങ്ങളിലേക്കുള്ള യാത്രയും ഒഴിവാക്കുക. ഫോട്ടോസ് വീഡിയോസ് എടുക്കാനും പങ്കുവെക്കാനും നില്‍ക്കരുത്.
5- അപകടകരമായ സാഹചര്യം നേരിട്ടാല്‍ മക്ക, മദീന, റിയാദ്, കിഴക്കന്‍ ഭാഗങ്ങളിലുള്ളവര്‍ എമര്‍ജന്‍സി നമ്പര്‍ 911ലേക്ക് വിളിക്കുക മറ്റു ഭാഗത്തുള്ളവര്‍ 998ല്‍ വിളിച്ച് കാര്യം അറിയിക്കുക
6- യഥാര്‍ത്ഥ വിവരങ്ങളും നിര്‍ദ്ദേശങ്ങളും സര്‍ക്കാര്‍ പുറത്ത് വിടുന്ന ഔദ്യോഗിക ചാനലുകളിലൂടെ മാത്രം അറിയാന്‍ ശ്രമിക്കുക. അഭ്യഹങ്ങളില്‍ പെട്ട് പോവരുത്.
ഭയം വേണ്ട ജാഗ്രത മാത്രം മതി.
