വാങ്കഡ: മുംബൈയുടെ ഹോം ഗ്രൗണ്ടില് സഞ്ജുവിന്റെ വിസ്ഫോടനാത്മകമായ ബാറ്റിംഗില് സ്വന്തം കാണികളുടെ മുമ്പില് തകര്ന്നടിഞ്ഞ് മുംബൈ. സ്വന്തം ഫാന്സിന്റെ മുമ്പില് 103 റണ്സിന്റെ പരാജയമാണ് മുംബൈ ഏറ്റുവാങ്ങേണ്ടി വന്നത്. ഐപിഎല്ലില് രണ്ടാം സെഞ്ചുറി നേടിയ സഞ്ചു റണ്വേട്ടക്കാരില് ശുഭ്മാന് ഗില്ലിനെ മറികടന്ന് മൂന്നാം സ്ഥാനത്ത് കയറി. 54 പന്തില് 101 റണ്സടിച്ച സഞ്ചു കരിയറിലെ മറ്റൊരു മികച്ച ഇന്നിംഗ്സാണ് ഇന്നു കാഴ്ച്ചവെച്ചത്. ഇതോടെ ഈ ഐപിഎല്ലില് രണ്ട് സെഞ്ചുറി നേടുന്ന ആദ്യ താരമായും മാറി. അദ്ദേഹത്തിന്റെ ബാറ്റിംഗ് മികവില് 20 ഓവറില് ചെന്നൈ 206 റണ്സെടുത്തു
ആദ്യം ബാറ്റു ചെയ്ത ചെന്നൈക്ക് വേണ്ടി സഞ്ചുവും ക്യാപ്റ്റന് ഗെയ്ക്ക് വാദുമായിരുന്നു ഇന്നിംഗ്സ് ഓപ്പണ് ചെയ്തത്. പക്ഷേ 14 പന്തില് 22 റണ്സെടുത്ത് ക്യപ്റ്റന് മടങ്ങി. പിന്നാലെ വന്ന സര്ഫറാസ് ഖാന് 8 പന്തില് 14 റണ്സുമായി പിന്നാലെ ഡ്രസ്സിംഗ് റൂമിലെത്തി. നാലാം ഓവര് മുതല് സഞ്ജുവിന്റെ ബാറ്റിംഗ് ഗതിമാറി. ഹര്ദ്ദിക്കിന്റെ ഒരോവറില് മൂന്ന് ഫോറും ഒരു സിക്സുമാണ് അടിച്ചു കൂട്ടിയത്. അവസാന ഓവറില് സെഞ്ചുറി നേടാന് വേണ്ടിയിരുന്നത് 15 റണ്സായിരുന്നു. രണ്ട് സിക്സും ഒരു ഫോറും അടിച്ചു 16 റണ്സ് നേടിയാണ് ശതകം പൂര്ത്തിയാക്കിയത്.
മറുപടി ബാറ്റിംഗിന് ഇറങ്ങിയ മുംബൈയ്ക്ക് കാര്യമായി ഒന്നും ചെയ്യാനായില്ല. മുംബൈ നിരയില് സൂര്യകുമാര് യാദവും തിലക് വര്മയുമാണ് 30 കടന്ന രണ്ട് ബാറ്റ്സമന്മാര്. സൂര്യകുമാര് 30 പന്തില് 36 റണ്സും തിലക് വര്മ്മ 29 പന്തില് 37 റണ്സും സ്വന്തമാക്കി. 19 ഓവറില് 104 റണ്സുമായി മുംബൈ ഓള് ഔട്ടാവുകയായിരുന്നു. ചെന്നൈയ്ക്ക് വേണ്ടി അക്കീല് ഹുസൈന് 4 ഓവറില് 4 വിക്കറ്റ് സ്വന്തമാക്കി.
